هەموو هەفتەیەک سانا بورهان کە تەمەنی ١٦ ساڵە و خەڵکی عێراقە، لە شاری باریکە کە شارۆچکەیەکی گوندنشینەوە کە ٣٠ خولەک لە دەرەوەی شاری سلێمانی لە هەرێمی کوردستانی عێراق دوورە، بۆ سەرکردایەتیکردنی یانەیەکی هەرزەکاران دەڕوات. لە چوارچێوەی دیوارەکانی پۆلێکی ئاساییدا، سەنا فەزای زیندوو دروست دەکات کە گەنجانی ناوخۆی عێراقی و پەنابەران تێیدا کۆدەبنەوە بۆ گەڕان بەدوای بابەتەکاندا، وەک تەندروستی و دەروونناسی و خوێندەواری دارایی وسەلامەتی کەسی و زۆر شتی تر. ئەمەش فەزایەک بۆ گەنجان دروست دەکات بۆ کارلێککردن و گەشەکردن.
سانا وەک ڕاهێنەرێکی دڵسۆزی یانەی هەرزەکاران لە شاری سلێمانی ڕۆڵێکی گرنگ دەگێڕێت لە ڕێنماییکردنی گەنجان لە گەشتەکەیان بەرەو پەیوەندی کاریگەر و خۆدەربڕین. بە شارەزاییە بەرفراوانەکەی لە قسەکردن لەبەردەم خەڵکدا، یارمەتی هاوتەمەنەکانی دەدات بۆ زاڵبوون بەسەر ترسەکانیان و پەرەپێدانی خۆبەگەورەزانین و متمانە بەخۆبوون بۆ خستنەڕووی بیرکردنەوەکانیان.
سانا ئاسانکاری دانیشتنی وتاردانی گشتی لە یانەی هەرزەکاران لە سلێمانی. ©کۆمیسیار/ڕەشید حسێن ڕەشید
دەستپێشخەری یانەی هەرزەکاران دەستپێشخەرییەکە کە لەلایەن کۆمیساری باڵای نەتەوە یەکگرتووەکان بۆ پەنابەران و وەزارەتی پەروەردە لە هەرێمی کوردستانی عێراق پاڵپشتی دەکرێت و وەک سەکۆیەک بۆ چالاکییە دەرەکییەکان بە سەرپەرشتی گەنجان لە سەرانسەری هەرێمدا کاردەکات. چالاکییەکانی یانەکە ئامانجیان بنیاتنانی کارامەیی ژیانە، بەرەوپێشبردنی یەکگرتوویی کۆمەڵایەتی، ئیلهامبەخشین بە گەنجان بۆ بەسەربردنی کاتە بەتاڵەکانیان بۆ فێربوونی کارامەیی نوێ، هەروەها هاندانیان بۆ بەشداریکردنی چالاکانە لە کۆمەڵگاکانیاندا.
سەنا ڕوونی دەکاتەوە کە سەرەتا لە ڕێگەی هاوڕێیەکییەوە کە لە گەل رێکخراوی ناحکومییەی ئێکتەرسوس کاردەکات، کە هاوبەشی کۆمیساری باڵای نەتەوە یەکگرتووەکان بۆ پەنابەران ە، کە پشتگیری یانەکانی هەرزەکاران لە سلێمانی دەکات، بەشداری بەرنامەکە بووە. “لەو ساتەدا هەستم کرد بەشداری بکەم و زانیارییەکان بگوازمەوە بۆ کەسانی دیکە، بۆ ئەوەی ئەوانیش بتوانن سوودی لێ وەربگرن هەروەک چۆن لە ژیانی خۆمدا سوودی لێم وەرگرتووە.” سەنا دەڵێت کە دانیشتنەکانی بە شێوەیەک داڕێژراون کە سەرنجڕاکێش و پشتگیریکەر بن، ئەمەش وا دەکات بەشداربووان لە ناوچەی ئاسوودەیی خۆیان دەربچن و تەحەدای نوێ لە باوەش بگرن.
یانەکە کچان و کوڕانی گەنجی پەنابەران و کۆمەڵگا ناوخۆییەکان کۆدەکاتەوە، کە تەمەنیان لە ١٢ بۆ ١٩ ساڵەوەیە.
سانا دەڵێت: “ئەم گشتگیرییە یارمەتی بەشداربووان دەدات بیرۆکە ئاڵوگۆڕ بکەن و پردێک لە زانیاریدا دروست بکەن”.
هاوتەمەنەکانی هاوڕان. کەوسەر، بەشداربوویەکی عێراقی هاوبەشی دەکات و دەڵێت: “فێربوون لەگەڵ پەنابەران یارمەتیدەرە بۆ ئاڵوگۆڕکردنی بیرۆکە و ئەزموون”. ئیلین، پەنابەرێکی سورییە، دەشڵێت، “بۆ هاوبەشکردنی زانیاری و ناسینی هاوڕێکانی لە پاشخانی دیکە بەشداریم کردووە”
جگە لە کۆکردنەوەی پێکهاتە جیاوازەکان، بەرنامەکە یارمەتی بەشداربووان دەدات بۆ دەربڕینی خۆیان بە زمانی کوردی سۆرانی، پێشخستنی گشتگیری و سەربەخۆیی لە ڕێگەی زمانی ناوخۆییەوە. هەروەها کۆبوونەوەکانی خوێندنەوە فەزایەک بۆ بەشداربووان دروست دەکەن بۆ گەڕان بەدوای چیرۆکە جۆراوجۆرەکان و گفتوگۆکردن لەسەر ئەو بابەتانەی کە پەیوەندییان بە ژیانیانەوە هەیە.
ئیلین لەگەڵ بەشداربووانی تری پەنابەر و عێراقی لە دانیشتنی کتێبخوێندنەوە. ©کۆمیسیار/ڕەشید حسێن ڕەشید
ئیلین دەڵێت: “سەرنجڕاکێشترین بەش خوێندنەوەی کتێبە، کە تیایدا بیرۆکە ئاڵوگۆڕ دەکەین و زانیارییەکانمان فراوانتر دەکەین. قسەکردن بە سۆرانی هاوکار بووم بۆ تێکەڵبوونم لەگەڵ کۆمەڵگە. هەست بە هیچ جیاوازییەک ناکەم لەگەڵ خەڵکی سلێمانی”.
لەماوەی سێ ساڵی ڕابردوودا یانەکانی هەرزەکاران بەشدارییان لە زیادکردنی دەستڕاگەیشتن و مانەوە لە خوێندنی ناوەندی لە هەرێمی کوردستانی عێراق کردووە و لەسەدا ٩١ی هەرزەکارانی ناونوسراو لەم جۆرە یانانە لە قوتابخانە دەمێننەوە.
لە ئێستادا پارە بۆ یانەکانی هەرزەکاران لە ڕێگەی هاوبەشی (پروسپێکت) دابین دەکرێت، کە دەستپێشخەرییەکە بە سەرپەرشتی و پارەدارکردنی لەلایەن حکومەتی هۆڵەندا. ئەم هاوکارییە ئامانجی دروستکردنی گۆڕانکارییەکی بەردەوامە لە ژیانی پەنابەران و کۆمەڵگا ناوخۆییەکان. لە ساڵی ٢٠١٩ەوە دەستپێشخەری یانەی هەرزەکاران کارامەیی بنەڕەتی بۆ کچان و کوڕانی گەنجی پەنابەر و عێراقی لە سەرانسەری ناوچەکەدا دابین کردووە، پەرەپێدانی گەشەکردن و گەشەسەندنی کەسی. سەرەتا لە شاری دۆهوک دامەزراون، لە ساڵی ٢٠٢٢ەوە یانەی هەولێر و سلێمانیش دامەزراون.
بەشداربوویەکی ناوخۆیی کە بابەتێک لەسەر سیستەمی تەندروستی مرۆڤ لە یانەکەدا پێشکەش دەکات. ©کۆمیسیار/ڕەشید حسێن ڕەشید
بۆ سانا، یانەکانی هەرزەکاران شوێنێکی سەلامەت بۆی دابین دەکەن بۆ ئەوەی هاوڕێیەتی بکات و پشتگیری کەسانی دیکە بکات لە کۆمەڵگاکەیدا. هەروەها دەرفەتێکی بۆ ڕەخساندووە کە خولیای بەهێزکردنی ئەوانی دیکە فراوانتر بکات. لە کۆتاییدا دەڵێت: “بینینی بەشداربووان گەشە دەکەن و ئەم وانانە لە ژیانیاندا جێبەجێ دەکەن، پاداشتێکی زۆری هەیە”.
Share on Facebook Share on Twitter
