چیرۆکەکان لە عێراقەوە
زیاتر چیرۆکەکان لە عێراقەوە ببینە
بەیاننامەی رۆژنامەوانی
زیاتر بەیاننامەی رۆژنامەوانی ببینە
راپۆرت و داتا
زیاتر راپۆرت و داتا ببینە
کۆمسیاری نەتەوە یەکگرتووەکان بۆ پەنابەران لەسەر ئاستی جیهان
کۆمسیاری باڵای نەتەوە یەکگرتووەکان بۆ کاروباری پەنابەران (یان کۆمسیاری نەتەوە یەکگرتووەکان بۆ پەنابەران)، رێکخراوێکی جیهانیی تایبەتمەند و تەرخانە بۆ پاراستنی ژیان و مافەکان و بونیاتنانی ئایندەیەکی باشتر بۆ پەنابەران، کۆمەڵگەی ئاوارە زۆرەملێکان و کەسانی بێدەوڵەت.
ئێمە کاردەکەین بۆ دڵنیابوون لەوەی هەموو کەسێک مافی هەیە داوای پەناخوازی بکات و پەناگەیەکی ئارام بدۆزێتەوە، پاش هەڵهاتن لە تووندوتیژی، چەوساندنەوە، جەنگ یان کارەسات لە نیشتیمانی خۆی.
لە ساڵی ١٩٥٠ەوە رووبەڕووی چەندین قەیران بووینەتەوە لە چەند کێشوەرێک و هاوکاریی گرنگمان دابین کردوە بۆ پەنابەران، پەناخوازان، ئاوارە ناوخۆییەکان، گەڕاوەکان و کەسانی بێدەوڵەت، کە زۆر لەمانە کەسیان نییە بگەڕێنەوە بۆ لای.
کۆمسیاری نەتەوە یەکگرتووەکان بۆ پەنابەران لە عێراق
دۆخی گشتی عێراق بەشێوەیەکی بەرچاو باشتربووە پاش کۆتایهاتنی ئۆپەراسیۆنی سەربازیی بەرفراوان لەدژی داعش لە ساڵی ٢٠١٧. بەڵام هێشتا دۆخی ئاسایش ناسەقامگیرە و دۆخی ئابووری ناسکە. عێراق بە بەخشندەییەوە میوانداری نزیکەی ٣٠٠ هەزار پەنابەر و پەناخواز دەکات، کە زۆرینەیان کوردی سوریان (زیاتر لە ٢٧٠ هەزار) و زۆرینەی ئەمانە لە هەرێمی کوردستانی عێراق دەژین.
هەروەها عێراق زیاتر لە ١ ملیۆن ئاوارەی ناوخۆیی هەیە، لەمانە ١٦٠ هەزار لە ٢٣ کەمپ دەژین لە هەرێمی کوردستانی عێراق. ئاوارە ناوخۆییەکان ئاماژەدەدەن بە نەبوونی ئاسایش، دەستگەیشتنی سنووردار بە خزمەتگوزارییە گشتییەکانی وەک پەروەردە، تەندروستی یان تەنانەت ئاو و کارەبا، هەروەها نەبوونی دەرفەتەکانی گوزەران و سەرچاوەی داراییەکان، هاوکات لەگەڵ خانووی زیانپێگەیشتوو لە ناوچە رەسەکانی خۆیان، بۆ هەندێک لەمانە، عەرەبی سووننە بەتایبەتی، گەورەترین بەربەست بۆ گەڕانەوەیان بریتییە لە لێڕوانینان وەک وابەستە بە گروپە تووندڕەوەکان.
ستراتیژی- کۆمسیاری نەتەوە یەکگرتووەکان بۆ پەنابەران بۆ ساڵی ٢٠٢٢-٢٠٢٤ لە عێراق
ستراتیژی (٢٠٢٢-٢٠٢٤)ی کۆمسیاری باڵای نەتەوە یەکگرتووەکان بۆ کاروباری پەنابەران بایەخ دەدات بە پتەوکردنی ژینگەی پاراستن و دڵنیاییکردن لەوەی پەنابەران، ئاوارە ناوخۆییەکان، ئاوارە گەڕاوەکان و کەسانی بێدەوڵەت، و بەتایبەتی ئەندامانی دۆخناسکی کۆمەڵگەی خانەخوێ، دەرفەتی زیاتریان هەیە بۆ رێگەچارەی هەمەلایەن. لەڕووی ستراتیژییەوە، کۆمسیۆنی باڵای پەنابەران، دەخوازێت تا ٢٠٢٤ ببینێت کە ئاوارە زۆرەملێکان و کەسانی بێدەوڵەت لە عێراق باشتر دەپارێزرێن و دەستگەیشتنی دادپەروەرانەتر و لەخۆگرتریان هەیە بە ماف و خزمەتگوزارییە بنەڕەتیەکان بە کواڵیتی باش. تەبا لەگەڵ هەوڵەکانی کۆمەڵگەی مرۆیی بۆ گواستنەوە بەرەو پەرەپێدانی بەردەوام، کۆمسیاری باڵای نەتەوە یەکگرتووەکان بۆ کاروباری پەنابەران هەوڵ دەدات پشتبەخۆبەستن و لەخۆگرتنی ئابووری و کۆمەڵایەتی دانیشتوانی ئاوارە بەهێزتر بکات لە سیستمە گشتییەکان و بەرنامەکانی پەرەپێدان. بەپێی ئەم ئامانجە، کۆمسیاری باڵای نەتەوە یەکگرتووەکان بۆ کاروباری پەنابەران پاڵپشتی دامەزراوە گشتییەکان دەکات بۆ دابینکردنی خزمەتگوزاری کواڵیتی بەرز و ئاسان بۆ دەستگەیشتن بۆ هەموو دانیشتوانی کاریگەر بە ئاوارەبوون و کۆمەڵگە خانەخوێ دۆخناسکەکان
پێویستت بە یارمەتی هەیە؟
دۆزینەوەی زانیاری و خزمەتگوزاری بۆ پەنابەران و پەناخوازان و ئاوارەکانی ناوخۆ.
یارمەتی وەربگرە
سوپاسی تایبەت بۆ کۆمەکبەخشان
کۆمسیاری باڵای نەتەوە یەکگرتووەکان بۆ کاروباری پەنابەران سوپاسی کۆمەکبەخشە سەرەکییەکان دەکات بۆ بەخشینی کۆمەکی تەرخانکراوە و تەرخاننەکراو، هەروەها ئەوانەش کە راستەوخۆ بەشدارییان کردوە لە بەرنامەکانی کۆمسیاری باڵای نەتەوە یەکگرتووەکان بۆ کاروباری پەنابەران لە عێراق .