Алматылық процесс – бұл Орталық Азия бойынша босқындарды қорғау және халықаралық көші-қон мәселелері бойынша өңірлік консультативтік платформа.
Алматылық процесс аралас көші-қон мәселелері бойынша өңірлік ынтымақтастық пен қызметті үйлестіруді күшейтуге және оған байланысты туындаған көптеген мәселелерді шешуге арналған ұйым.
Орталық Азия тарихы көптеген ғасырлар бойы халықтардың күрделі қозғалыстарын, яғни адамдардың өз еркімен қоныс аударғанын немесе тұрғылықты жерінен көшуге мәжбүр болған кездерін басынан өткізген. Аймақ елдері Кеңес Одағының ыдырауы мен тәуелсіз Орталық Азия мемлекеттерінің құрылуынан туындаған қозғалыстардың салдарымен бүгінгі күнге дейін жұмыс істеуде.
Техникалық сараптамалық кездесулер, жоғары лауазымды тұлғалармен кездесулер, Министрлік конференциялар мен өңірлік тақырыптық пікірталастар арқылы Алматылық процесс Орталық Азия бойынша босқындарды қорғау және көші-қон мәселелері бойынша тұрақты диалог пен ақпарат алмасуға ықпал етеді.
Процесске техникалық және үйлестіру бойынша қолдауын Халықаралық көші-қон ұйымы (ХКҰ) және UNHCR атынан Хатшылық көрсетеді.
Алматылық процесстің мақсаттары:
- Халықаралық көші-қон және босқындарды қорғау мәселелері бойынша диалогқа жәрдемдесу
- Тұрақты емес көші-қонға байланысты мәселелерді қадағалау және шешу тетіктерін әзірлеу
- Миграция мен көші-қонның себептері мен салдарын жалпы түсінуге ықпал ету
- Қоныс аударған адамдарға қатысты дәйекті, кешенді және сараланған саясатты жүзеге асыруға жәрдемдесу
- Мемлекеттердің көші-қонды басқару және босқындарды қорғауды қамтамасыз ету жөніндегі әлеуетін нығайтуға бағытталған әрекет ету жоспарын әзірлеу.
Алматылық процесс жайында толығырақ ақпарат алу үшін сайтқа өтіңіз