![Schoolchildren of No. 1 secondary school in Metsamor town performing a concert](https://armenia.un.org/sites/default/files/styles/featured_image/public/2021-04/metsamor_6.jpg?itok=3P_7IlLi)
Մեծամոր քաղաքի թիվ 1 միջնակարգ դպրոցի դպրոցականները, այդ թվում ՝ Լեռնային Ղարաբաղից տեղահանված երեխաները իրենց հանդեսի ժամանակ © UNHCR Armenia/Hayrapetyan 2021
ՄԱԿ ՓԳՀ ներկայացուցիչները նաև հանդիպել են համայնքապետարանում ԼՂ-ից տեղահանված մոտ 25 կանանց հետ:
Համայնքապետարանում ՄԱԿ ՓԳՀ ներկայացուցիչների հանդիպումը ԼՂ-ից տեղահանված շուրջ 25 կանանց հետ։ Լուսանկարը՝ © Metsamor Municipality
Մայրության և գեղեցկության տոնի կապակցությամբ՝ Հայաստանում ՄԱԿ-ի Փախստականների գործակալության (ՄԱԿ ՓԳՀ) աշխատակիցները հրավիրվել էին տեղահանված ընտանիքների հյուրընկալ համայնք՝ Արմավիրի մարզի Մեծամոր համայնքի թիվ 1 հիմնական դպրոց՝ մասնակցելու դպրոցի սաների գարնանային հանդեսին:
Մեծամոր քաղաքի թիվ 1 միջնակարգ դպրոցի դպրոցականները, այդ թվում ՝ Լեռնային Ղարաբաղից տեղահանված երեխաները իրենց հանդեսի ժամանակ © UNHCR Armenia/Hayrapetyan 2021
Հանդիսատեսները մեծ բավականություն ստացան համերգից, վայելեցին աշակերտների, նրանց թվում՝ Լեռնային Ղարաբաղից երեխաների ոգևորիչ ասմունքը, երգն ու պարը: Ներկայում դպրոցում ուսանում է շուրջ 40 աշակերտ Լեռնային Ղարաբաղից․ դպրոցը ջերմորեն ընդունել և հոգատարություն է ցուցաբերում նրանց նկատմամբ։ Հավասարապես ներգրավելով տեղացի և տեղահանված սովորողներին՝ դպրոցը հաճախ նախաձեռնում է տարբեր արտադասարանական և ժամանցային միջոցառումներ, որպեսզի տեղահանված երեխաները հաջողությամբ հարմարվեն նոր դպրոցին ու համայնքային միջավայրին, ինչպես նաև սահուն ու արդյունավետ ձևով ներգրավվեն ուսումնական գործընթացում։
Մայրության և գեղեցկության տոնի նախապատրաստումն ու բուն միջոցառումն օգնեցին երեխաներին՝ ընկերանալ միմյանց հետ, անկաշկանդ ներկայացնել արվեստում իրենց կարողությունները և արտահայտել իրենց նվիրվածությունը հյուրընկալող համայնքին՝ Մեծամորին:
Մեծամոր քաղաքի թիվ 1 միջնակարգ դպրոցի դպրոցականները, այդ թվում՝ Լեռնային Ղարաբաղից տեղահանված երեխաները, իրենց հանդեսին ներկայացրեցին երգեր, պարեր և բանաստեղծություններ © UNHCR Armenia/Hayrapetyan 2021
ՄԱԿ ՓԳՀ աշխատակիցները ԼՂ-ից տեղահանված մի խումբ կանանց, այդ թվում` Մեծամորի թիվ 1 միջնակարգ դպրոց հաճախող դպրոցականների մայրերի և տատիկների հետ հանդիպմանը © Metsamor Municipality
ՄԱԿ ՓԳՀ աշխատակիցները ԼՂ-ից տեղահանված մի խումբ կանանց հետ հանդիպմանը © Metsamor Municipality
Տարածել Facebook-ով Տարածել Twitter-ով